Organizer ng drone show sa baliktad na bandila ng Pinas sa pagtatapos ng Palarong Pambansa 2023, kakasuhan

TINIYAK ng Marikina City Government na pananagutin ang organizer ng drone show nang mag-display ng baliktad na formation ng bandila ng Pilipinas: asul ang nasa ibaba at pula ang nasa itaas.

Base sa proper flag formation, dapat pula ang nasa ibaba na ibig sabihin nasa state of peace o kapayapaan, habang kapag asul naman ang nasa ibaba nasa state of war ang bansa.

Paliwanag ni Marikina City Mayor Marcy Teodoro sa pagsasampa ng kaukulang kaso ay para matukoy ang mga legal na pananagutan ng kompanya kasama narin ang mga kalakip na kaparusahan at multa.

Hindi naman necessary kasi may posibilidad na nagkamali dahil sa mga circumstances, sa katunayan ang paliwanag dito ng DroneTech Philippines, hindi sila nagkaroon ng oras para i-test ang drone dahil sa magkakasunod ng sama ng panahon.

Aminado ang DroneTech at humingi na sila ng tawad sa publiko at sa buong Pilipinas dahil hindi naman ito sadya.