83-anyos lolo namatay sa sarap ng 31-anyos

‘NAMATAY sa sarap’ ang 83-anyos na lolo habang nakapatong sa ka-date nito sa isang motel sa Barangay San Ramon, Manaoag, Pangasinan, Linggo ng hapon.

Kinilala ng Manaoag Police Station (MPS) ang biktima na si “Lolo Amadito”, may asawa, ng Barangay Sapang, ng nasabing bayan.

Ayon sa MPS, nadiskubre ang insidente 2:02 ng hapon sa loob ng kuwarto ng Bouvardia Manaoag Inn sa Barangay San Ramon.

Sa report, nag-check-in sa motel ang biktima 12:56 ng tanghali kasama ang 31-anyos na babae.

Sa sinumpaang salaysay ng babae, sinabi nito na nasa kanyang ibabaw si Lolo Amadito at kasalukuyan silang nagtatalik nang bigla itong mangisay at nahirapan sa panghinga.

Agad aniya siyang humingi ng tulong at dinala ang matanda sa Manaoag Community Hospital nguni’t idineklara itong dead-on-arrival.

Ayon sa mga medical expert, maaaring nasobrahang sa excitement ang matanda kaya inatake sa puso.