Manaois bagong Customs NAIA Special Deputy Collector

Nagtalaga sina Customs Commissioner Bienvenido Rubio at Finance Secretary Benjamin Diokno ng bagong Special Deputy Collector para pamunuan ang Pair Cargo Assessment Composite Division ng Ninoy Aquino International Airport (NAIA) Collection District.

Si Dr. Siegfred L. Manaois, isang multi-awarded senior customs officer at dating deputy collector para sa operasyon ng Subic Port at dating Piers and Inspection Division (PID) head ng Collection District II-B, ay magsisilbi na ngayon bilang Pair Cargo Assessment Chief ng Port ng NAIA.

Nakatanggap si Dr. Manaois ng halos 200 parangal, papuri at pagsipi mula sa Pilipinas at sa ibang bansa sa kanyang 24 na taong paglilingkod sa Bureau of Customs (BOC).