JRU wagi vs Perpetual sa NCAA basketball

BINARTOLINA ng Jose Rizal University ang Perpetual Help,71-65, para masolo ang pangalawang puwesto sa nagpapatuloy na National College Athletic Association (NCAA) Season 99 sa FilOil Centre sa San Juan Sabado.

Umiskor ang bagitong si Shawn Argente ng team-high 17 points, tampok ang limang triples, para sa Heavy Bombers na umakyat sa 5-1 card.

Joshua Guiab bumakas ng 12 points at five rebounds, Marwin Dionesio nagdagadg ng eight points,nine rebounds, three assists at one block, habang si Jonathan Medina, ay umiskor rin ng eight points, at five rebounds, two assists at two steals at one block.

“We played as a team and we’re not too reliant on Agem (Miranda) to score,” Wika ni JRU coach Louie Gonzales.

Miranda nagtapos ng six points,kapareho ng output ni Marj De Leon.

Apat na players ang nag rehistro ng double-digits scores para sa Perpetual,na nalaglag sa 1-4.

Marcus Nitura may 19 points, five rebounds, three assists at three blocks para sa Altas.

Jelo Razon nag-ambag ng 14 points, kabilang ang three triples, five rebounds, two assists at one steal. Christian Pagaran at Art Roque nagdeliver ng 12 at 11 points, ayon sa pagkakasunod.