Biatkong nambastos ng pulis, nahulihan ng droga

Nakaditine na sa Pasay City Custodial Facility ang Vietnamese national na naaresto sa kahabaan ng Roxas Boulevard sa lungsod ng Pasay.

Kinilala ang suspek na si alyas Cu, 24-anyos na inaresto sa unjust vexation at violation sa droga.

Ayon sa Pasay- Philippine National Police (PNP), inaresto si alyas Cu sa pambabastos nito sa pulisya at paghahagis ng bato habang hinuhuli ito.
Sinadya pa nitong banggain ang isang motorsiklo na pag-aari ng awtoridad.

Noong makorner ang suspek agad itong ikinulong at dito narekober ang heat-sealed transparent plastic sachet na naglalaman ng shabu na may bigat na 2.51 grams at nagkakahalaga ng P17,068.

Nakumpiska din kay Cu ang apat na gray tablet.

Samantala, haharap ang suspek sa kasong paglabag sa RA 9165 o Comprehensive Dangerous Drugs Act of 2002.