Pinoy Jeffrey Ignacio kampeon sa Indonesia

GINAPI ni Jeffrey Ignacio ang Filipino na ipinanganak sa Hong Kong na si Robbie Capito, 10-3, Huwebes, Enero 25 para pamunuan ang Indonesia International Open 2024 sa Jakarta, Indonesia.

Dinaig ni Ignacio si world number 1 Francisco Sanchez Ruiz ng Spain, 10-6, sa semifinal habang pinataob ni Capito si Jonas Magpantay ng Pilipinas, 10-7, para itakda ang title showdown sa 10-ball event.

Nilampaso rin ni Ignacio si Dimitris Loukatos ng Greece, 10-3, sa Round of 16 at ang kababayang Jeffrey Aranas, 10-7, sa quarterfinals habang binuwag ni Capito sina Gebby Adi Wibawa Putra ng Indonesia, 10-6, at Wu Kun-Lin ng Chinese. -Taipei, 10-5, ayon sa pagkakasunod.

Si Ignacio, isa sa mga nangungunang manlalaro ng star-studded Marboys Billiards Club sa ilalim ng gabay ni JR Velasco at Marvin Paringit ay nagwagi ng pinakamataas na premyo na $25,000 para sa kanyang pagsisikap.

Ibinulsa naman ni Capito ang runner-up purse na $12,000.

Samantala, Sina Magpantay at Ruiz ay tumannagp ng tig $6,000 para sa pag-abot sa semis.

“Nagbunga ang ating mga sakripisyo. Nagagawa nating ilagay muli ang Pilipinas sa limelight para sa karapat-dapat na tagumpay na ito. I would like to thank my teammate (Marboys Billiards Club),” Wika ni Ignacio.

Nagpahayag din siya ng pasasalamat kina JR Velasco at Marvin Paringit sa pagbibigay-inspirasyon sa kanila na maging mahusay na katawanin ang ating bansa sa mga internasyonal na kompetisyon.

“Maraming salamat din Boss (JR Velasco) sa walang sawang suporta mo sa amen mga players Boss ng dahil sayo at sa team Marboys bumalik ulit ang sigla ko mag bilyar thank you so much Boss,” Ignacio sent this message to Velasco.

Napahanga si Marboys Billiards Club top honcho JR Velasco. “Awesome Performance!” Wika ni Velasco.