Australian Senator Rice, ideklarang persona non grata

BINUWELTAHAN ni Senador Robinhood “Robin” C. Padilla si Australian Senator Janet Rice dahil sa pambabastos kay Pangulong Ferdinand “Bongbong” Marcos, Jr. sa kanyang address sa Australian Parliament nitong nakaraang linggo.

Inihain ni Padilla ang Senate Resolution 944, nanawagan sa Department of Foreign Affairs na ideklara si Rice na ‘persona non grata’ dahil sa kanyang “unparliamentary behavior.”

Sinabi ni Padilla na nangyari ang insidente Pebrero 29, nang si Rice ay nagkaroon ng “unparliamentary behavior by expressing her dissent through an act of protest during the proceedings.”

Dahil sa ginawa niya, pinaalis si Rice sa Chamber “for disorderly behaviour,” dagdag ni Padilla.

Sa kanyang resolusyon, ipinunto ni Padilla na ngayong taon ang ika-78 anibersaryo ng diplomatic ties ng Pilipinas at Australia, at ang pagbisita ni Pangulong Marcos – sa imbitasyon ni Governor General David Hurley – ay may layuning palakasin ang pagkaibigan ng dalawang bansa. (Mylene Alfonso)