Hepe ng pulisya sa Davao sibak sa ‘drug war’

KINUMPIRMA ni Police Regional Office XI Spokesperson, Major Catherine Dela Rey, na isinailalim na si Davao City Police chief Colonel Richard Bad-ang sa administrative relief.

Base ito sa rekomendasyon ng Regional Internal Affairs Service (RIAS) XI kasunod ng isinagawang motu-propio investigation hinggil sa pagkamatay ng pitong indibidwal sa anti-illegal drugs operation sa Davao City noong ika-23 hanggang 26 ng Marso ng taon.

Kaakibat ito ng “drug war” na inilunsad ni Davao City Mayor Sebastian “Baste” Duterte kungsaan isinagawa ang naturang operasyon sa ilalim ng pamamahala ni Bad-ang, na katatalaga lamang bilang bagong DCPO director noon.

Matatandaang una narin pinaimbestigahan ng Philippine National Police – Internal Affairs Service (PNP-IAS) ang isinagawang operasyon noong Marso.