Tony Boy Dela Rea bongga ang 67th birthday celebration ngayon

Ni NOEL S. ASINAS

DADALO ang mga kamag-anak, close friends sa showbiz, politics at business sa big 67th birthday celebration ni Tony Boy Dela Rea na bida sa indie film, Ang Paghilom, na gaganapin sa Sofitel Visayas Room ngayong 6pm.

Expected na darating ang leading lady ni Tony Boy, si beauty queen- actress Jane Umali, Jean Saburit, indie actor-military man Piolo Broso, beauty queen Joy Conde, singer-host Lance Raymundo, at iba pa.

Punung-abala sa selebrasyon ang sister ni Tony Boy at Sine Silang Production producer na si Nette Dela Rea.

Darating din ang mga members ng Rotary at mga opisyal ng Silang, Cavite.

Sa bayan ng Silang matatagpuan ang farm ng pamilya Dela Rea at ang Villa Francisca Resort, mismong sa kabayanan ng Silang, na malapit sa simbahang Katoliko. Ang lugar na ito ang sentro ng shooting ng Paghilom movie.

***

KATHY MAS AT JUN POLISTICO SANIB-PWERSA SA CONCERT TONITE

Kathy Hipolito Mas proud na makasama ang iconic performer na si Jun Polistico sa June 8 concert: Kathy In The Heart of Jun sa Teatrino Promenade Greenhills, 7:30pm.

Samantala, masaya si Kathy na muling isa sa major performers sa recent  72nd FAMAS Awards at Manila Hotel Fiesta Pavilion.

Ayon kay Kathy, fourth time na siyang performer sa FAMAS Awards Night. Honor sa kanya na maging bahagi ng oldest award-giving body ng Pilipinas, considered as local Oscar Awards ng Hollywood, USA.

Bukod dito, masaya si Kathy sa forthcoming concert niya ngayong June 8 sa Teatrino Promenade, Greenhills Shopping Center.