Pagkaaresto kay Alice Guo magsilbing babala sa mga tumatakas sa batas – PBBM

NAGPAABOT ng pasasalamat si Pangulong Ferdinand Marcos Jr. sa mga tagapagpatupad ng batas at sa Indonesian government sa pagkakaaresto ni dating Bamban Tarlac Mayor Alice Guo.

Giit ni Pangulong Marcos, dapat magsilbing babala ang pagkakasakote ng dating alkalde sa mga tumatakas sa batas.

Siniguro naman ng Pangulo na bibigyan ng karampatang legal na proteksyon si Guo sa ilalim ng batas ng Pilipinas at alinsunod sa commitment ng bansa sa rule of law.

Pahayag pa ng Pangulo, hindi na nila patatagalin pa ang pagresolba sa kaso dahil ang magiging resulta nito ay magsisilbing tagumpay din ng mga Pilipino.