2 drug suspects tiklo sa baril at shabu sa Caloocan

NASA mahigit P300k halaga ng shabu at isang baril ang nasabat sa dalawang drug suspects sa ikinasang buy bust operation sa Caloocan City.

Kinilala ni  Caloocan police chief  PCol.  Paul Jady Doles ang naaresto na sina alyas Hasan,  23; at alyas Budok, 26, kapwa residente ng Tala,  Brgy. 188.

Sa report, 9:33 ng gabi nang maaresto ang mga suspek sa Tatiana St., corner Kaagabay Road, Brgy. 188.

Nakumpiska sa mga suspek ang nasa 55 grams ng  shabu na may standard drug price value na P374,000  at buy bust money   habang ang isang caliber .38 revolver na kargado ng bala ay nakuha kay ‘Hasan’

Mahaharap ang mga suspek sa kasong paglabag  sa R.A. 9165 o ang Comprehensive Dangerous Drugs Acts of 2002 habang karagdagan na kasong paglabag sa R.A. 10591  o ang Comprehensive  Firearms and Ammunition Regulation Act  ang kakaharapin pa ni ‘Hasan’.Beth Samson)