Convenience store peborit ng holdaper: Pera, alak, motorsiklo tinangay

Isa na namang convenience store ang hinoldap ng dalawang armadong suspek sa Brgy. Kaybagal North, Tagaytay City, Cavite.

Sa ulat, 3:30 ng madaling araw nang maganap ang insidente kung saan nagpanggap na mga kusto­mer ang dalawang lalaki na agad pumasok sa loob ng isang sangay ng Alfamart sa nasabing lugar.

Agad na nagdeklara ng holdap ang mga suspek at naglabas ng maiksing baril at patalim.

Sapilitang kinuha ng mga suspek ang pera sa kaha at bago tumakas ay tumangay pa ng apat na bote ng Fundador Light at tatlong Alfonso Light.

Tinangay rin ng mga suspek ang Suzuki Crossover na motorsiklo ng isa sa mga staff ng Alfamart at ginamit sa pagtakas. Nakasuot ng dilaw na hoodey jacket, itim na maong pants ang isa sa mga suspek habang ang kasama nito nakasuot ng puting long sleeves at gray na maong pants.