Pagpapalabas ng year-end bonus at cash gift ng govt. employees aprub na – DBM

INAPRUBAHAN ng Department of Budget and Management (DBM) ang naunang pagpapalabas ng year-end bonus at cash gift para sa mga kwalipikadong empleyado ng gob­yerno.

Naglabas ang ahensya ng Budget Circular No. 2024-3 na may petsang Oktubre 22 na may titled na, “Amending Section 6.1 of Budget Circular No. 2016-4 on Payment of Year-End Bonus and Cash Gift.”, na nagsasa­bing ang year-end bonus ng mga empleyado ng ­gobyerno katumbas ng isang buwang basic pay simula Oktubre 31 at cash gift na PHP5,000 ay maaaring i-release “kasabay ng unang payroll ng ahensya para sa buwan ng Nobyembre ng kasalukuyang taon” na ­napapailalim sa mga kondisyon.

Sinabi ni DBM Secretary Amenah Pangandaman na ito ay dahil sa ­obserbasyon na “patuloy na nakakaranas ng pagkaantala ang mga tauhan ng gobyerno sa pagtanggap ng mga bonus at cash gift, na nakakaapekto sa kanilang moral, motiba­syon, at antas ng kasiya­han sa trabaho.”

Sa mga nakaraang taon, ang year-end bonus at cash gift ay ibinibigay sa mga kwalipikadong empleyado ng gobyerno nang hindi mas maaga sa Nobyembre 15. (Vanz Fernandez)