ICC ARREST WARRANT VS DUTERTE LALABAS NA! – TRILLANES

INANUNSYO ng dating senador, Antonio Trillanes IV, nitong Biyernes na ang arrest warrant mula sa International Criminal Court (ICC) laban sa dating presidente, Rodrigo Duterte, ay lalabas sa kaagahan ng 2025.

“Ito po ngayon ang estado nito. Sa nakikita po natin, baka before the year ends, mayroon pong major development na lalabas sa ICC pero ‘yung actual warrant po nakikita po natin ‘yan baka early next year pa,” sabi ni Trillanes sa panayam ng Brunch.

Natutuwa rin siya sa naging pahayag nina Presidente “Bongbong” Marcos at executive secretary Lucas Bersamin tungkol sa hindi pagtulong ng gobyerno sa pag-iimbestiga ng ICC sa drug war ng nakaraang administrasyon.

“Wine-welcome natin ‘yung statement po ni PBBM at Executive Sec. Bersamin, na-articulate nila ‘yung government policy na they will not get in the way of the ICC investigation and ‘yung eventual implementation of the warrant of arrest if done via Interpol,” dagdag niya.