2 stepdaughters, 4-anyos anak ni-rape ng ama

Timbog ang isang lalaki nang ireklamo ng pang-aabuso sa dalawang dalagitang stepdaughter at 4 taong gulang na anak.

Ayon sa National Bureau of Investigation (NBI), nangyari ang krimen habang nasa Kuwait ang kanilang ina.

Taong 2023 pa umano nang magsimula ang pang-aabuso ng salarin sa kanyang mga stepdaughter noong edad 17-anyos at 12-anyos pa lamang ang mga ito.

Sa report, madalas umanong parausan ng salarin ang isa sa mga dalagita.

Ayon kay Atty. Czar Eric Nuqui , agent-in-charge ng NBI-Cavite North District Office (NBI-CAVIDO), hindi lamang pangmomolestiya ang ginagawa ng salarin kundi kasama rin ang pisikal na pananakit dahilan para magsagawa ng rescue operation.

Nahaharap ang salarin sa reklamong paglabag sa Anti-rape Law, paglabag sa Special Protection of Children Against Abuse, Exploitation and Discrimination Act, at paglabag sa Expanded Anti-Trafficking in Persons Act of 2012. (Jocelyn Domenden)