Ayon sa survey: JAYE LACSON-NOEL ANG SUNOD NA MAYOR NG MALABON!

KUNG ang lahat ng ginawang surveys sa Malabon City ang magiging batayan ng eleksiyon sa Lunes, Mayo 12, runaway winner na si Congresswoman Jaye Lacson-Noel dahil ito na ang panalo sa puso ng masa sa buong lungsod.

Sa numerong 67% na resulta ng pinakahuling survey, consistent si Lacson-Noel na paborito ng mga botante na posibleng magselyo ng kanyang panalo kasabay din ng mataas na scores ng mister nito na si Bem Noel para sa pagkakongresista.

Maging ang supporters ng naging dating lider ng lungsod ay lumipat narin ng suporta sa mag-asawang Noel na lalong nagpahina sa numero nila incumbent Mayor Jeannie Sandoval at mister nito na si Ricky Sandoval.

Umuungos din sa lakas sa mga survey ang ka-tandem ni Lacson-Noel sa pagkabise alkalde na ang dating aktres na si Angelika dela Cruz, ang kasalukuyang kapitan sa Barangay Longos.

Maging ang pag-endorso kay Jaye ng mga kandidato sa pagka-bise lakalde na sina Konsehal Jap Garcia at Dado Cunanan ay tinitingnan ng mga political analyst bilang hudyat ng pagsama-sama ng mga magkakatunggali sa pulitika para sa layuning magkaroon ng bagong alkalde na magsusulong ng kaunlaran at kaayusan ng Malabon.

“Nakakataba ng puso ang umaapaw na suporta ng mga mamamayan at ang lahat ng sektor sa lungsod, hindi pa man, taos sa ating puso ang pasasalamat sa kanilang lahat. Tuloy lang tayo, huwag lang tayong bibitaw hanggang marinig sa mismong araw ng aleksiyon ang ating sama-samang tinig,” sabi pa ni Congresswoman Jaye.