Bong Go, nag-top sa 2 Tangere surveys

Naging top choice si Senator Christopher “Bong” Go sa hanay ng mga senador sa pinakahuling survey na isinagawa ng Tangere, isang polling firm na sumusukat sa senatorial preferences mula Abril 29 hanggang Mayo 3, 2025.

Nanguna si Go sa karera na may 62.8 porsiyento, patunay ng kanyang katanyagan sa buong bansa, ilang araw na lang bago ang halalan.

Ang resulta ay nagmarka ng isang makabuluhang pag-akyat mula sa nakaraang survey ng Tangere na isinagawa mula Abril 22 hanggang 25, kung saan nakakuha siya ng 59.3 porsiyento—na nagbibigay-diin sa isang matatag at napapanatiling pataas na trajectory sa suporta ng publiko saq kanya.

Bilang reaksyon sa pinakahuling mga numero, nagpahayag si Go ng labis na pasasalamat sa patuloy na suportang patuloy niyang natatanggap mula sa sambayanang Pilipino. Binalangkas ang resulta ng survey bilang panibagong mandato para sa serbisyo publiko.

“Maraming, maraming salamat sa aking mga kababayan sa inyong patuloy at mas lalong lumalakas na suporta at tiwala sa akin bilang inyong senador. Malaking bagay para sa akin ang mas lalong pagtaas ng aking rating na siyang nagbibigay ng dagdag na lakas at inspirasyon bilang inyong lingkod-bayan,” sabi ni Go.

“Sipag, malasakit at more serbisyo—ito ang aking panata sa bayan na gagawin ko sa abot ng aking makakaya,” dagdag ni Go.

“Magseserbisyo ako ng tapat at may tunay na malasakit dahil bisyo ko na ang magserbisyo.”

Sa isa pang survey na isinagawa ng parehong polling firm, lumabas din si Go bilang most highly rated incumbent senator sa 19th Congress. Ang kamakailang nationwide survey ay isinagawa ng research firm na Tangere noong Mayo 2 hanggang 3.

Inihayag ng survey na nakakuha si Go ng +60.8 porsyentong net satisfaction score—ang pinakamataas sa lahat ng incumbent senators—habang nagtala ng pinakamababang dissatisfaction rating at pinakamataas na satisfaction rating na 73.5%.

Si Go ay may akda ng 17 batas; pangunahing itinataguyod ang 84 batas – kabilang ang pagtatatag at pag-upgrade ng mga pampublikong ospital – at co-author at co-sponsor ng 189 batas.

Ang track record na ito ni Go ay nagbibigay-diin sa kanyang walang humpay na pagsusulong upang i-institutionalize ang mga makabuluhang reporma at palawakin ang pag-access sa mga kritikal na serbisyo sa buong bansa.

Sinabi ni Go na nakatuon siya na ipagpatuloy ang kanyang misyon na mapalapit ang mga serbisyo sa mga tao tulad ng pagpapalakas ng pag-access sa pangangalagang pangkalusugan, paglikha ng trabaho at seguridad sa pagkain bukod sa iba pa.

Gayundin, iniulat ng Pulse Asia Research Inc. ang katulad na resulta sa survey nito noong Abril 20 hanggang 24, kung saan muling nanguna si Go sa senatorial race sa 62.2 porsiyento.