Rapist na Lolo, dakip sa Navotas

Nadakip ang isang senior citizen na nahaharap sa kasong Rape.

Sa ulat kay Northern Police District Director PBGen. Arnold E. Abad ni Navotas police chief PCol. Renante Pinuela, 12:55 ng hapon ng Sabado ng masakote ng mga operatiba ng Warrant and Subpoena Section (WSS) at Evidence Custodian personnel ng Navotas City Police Station ang 63-anyos na lolo na si alias “Joji,” sa Barangay Sipac-Almacen, Navotas City.

May kaso anf suspek ng Rape under Article 266-A (1) of the Revised Penal Code, as amended by R.A. 8353 at amended by R.A. 11648, na inisyu ni Hon. Delight Aissa A Salvador, Presiding Judge of RTC Branch 29, Manila, noong July 1, 2025.

Walang inirekomendang piyansa ang hukuman para sa pansamantala nitong kalayaan na nasa kustodiya ng pulisya habang hinihintay ang commitment order ng hukuman na maipiit ito sa city jail.(Beth Samson )