HVI timbog sa Caloocan drug bust

Naaresto ng mga tauhan ng Caloocan City Police Station Drug Enforcement Unit (CCPS-DEU) ang dalawang High-Value Individuals (HVIs) sa ikinasang buy-bust operation sa lungsod.

Sa ulat kay Northern Police District Director, PBGen. Arnold E. Abad ni police chief PCol. Joey Goforth, naisagawa ang buy-bust ala- 1:29 ng madaling- araw ng Huwebes sa Phase 4, Package 4 Street, Barangay 176, Caloocan City.

Naaresto sa buy- bust sina alias “Bossing,” 23, mangingisda mula Taguig City, at isang lalaking 24- anyos na tricycle driver , residente ng Hagonoy, Taguig City.

Nahaharap ang dalawang suspek sa kasong paglabag sa Sections 5, 11, at 26 ng Article II of Republic Act No. 9165, (“Comprehensive Dangerous Drugs Act of 2002.”)

Nakumpiska ng pulisya ang 55 grams ng shabu, na may Standard Drug Price (SDP) na P374,000.00, buy-bust money, at isang kulay puting PCX motorcycle na kasama ang remote key, certificate of registration, dalawang black helmets, at driver’s license.

Dinala ang dalawang suspek sa Station Drug Enforcement Unit para sa dokumentation at pagsasampa ng kaso.(Beth Samson)