Agra pamumunuan ang PH padel team sa FIP Asia Cup

ANG Philippine Padel Association (PPA) ay magpapadala ng 12 atleta sa International Padel Federation (FIP) Asia Cup na kakatakda mula Oktubre, 17 hanggang 24 sa Doha, Qatar.

May kabuoang 14 bansa tulad ng,Bahrain, China, Indonesia, Japan, Jordan, Kazakhstan, Kuwait, Lebanon, Pakistan, Philippines, Saudi Arabia, South Korea, Thailand at ang United Arab Emirates ang lalahok sa event, na gaganapin sa Khalifa International Tennis and Squash Complex.

Pangungunahan ni lawyer Jessica Marie Agra ang team,ang highest-ranked Asian player sa International Padel Federation (FIP) rankings sa No. 149.

Pupunta rin sa Qatar ang soft tennis standout Bambi Zoleta, Jessica Lucas (based in Dubai), Princess Naquila, Rovy Conle Castillo (based in Dubai/Spain), Anna Singer (based in Spain), Tim Berry, Michael Tamayo, Dheo Talatayod, Jan Amandoron, Francis Parangan, Roland Quizon at coach German Streitenberger.

Ang men’s squad ay naka-iskeyul na umalis sa Oktubre 16,habang ang women’s team ay susunod sa Oktubre 18.

“After the Asia Cup, I will be heading to Dubai again to train and to play the FIP Silver. I will also try to register for the Premier Padel in Egypt or Dubai to see if there is a chance I can get in the qualifying rounds but I am not sure yet,” Wika ng bunsong anak ni lawyer Alberto Agra,ang pangulo ng Pilipinas Obstacle Sports Federation (POSF) at susi sa paglago ng Obstacle Course Racing (OCR) sa Pilipinas.

Ang PPA, na itinatag ni Alenna Dawn Magpantay, ay kinilala ng FIP,ang world governing body ng sport.