DANIEL HINDI NAGPAHULI SA EX NA SI KATHRYN

Ni Beth Gelena

Proud ang ina ni Daniel Padilla na si Karla Estrada nang manalo ang anak bilang Asian Star Outstanding Award sa 2025 Seoul International Drama Awards sa South Korea.

Sa kanyang acceptance speech, inialay ng aktor ang parangal sa kanyang ina, co-stars, at mga boss ng ABS-CBN.

Ibinahagi ni Karla ang isang taos-pusong mensahe online, na nagsasabing ang tagumpay ng kanyang anak ay ang kanyang pinakamalaking regalo bilang isang ina.

Ipinagmamalaki ni Karla ang pinakabagong tagumpay ng anak.

Kinilala si Daniel sa kanyang pagganap sa action series na Incognito, kung saan kasama niya sina Richard Gutierrez, Ian Veneracion, Baron Geisler, Anthony Jennings, Maris Racal, at Kaila Estrada.

Pinasalamatan din ni Deejay ang kanyang mga tagahanga sa malakas na suporta ng mga ito at sinabing sila ang dahilan kung bakit niya naabot ang naturang tagumpay.

Matatandaang ang ex-screen at real-life partner ni Daniel na si Kathryn Bernardo, ay una nang nanalo ng parehong award noong 2023 para sa kanilang hit series na 2 Good 2 Be True, kung saan pareho sila ang bida.

***

OGIE HINIKAYAT MGA PILIPINO NA GUMISING NA LABANAN ANG KATIWALIAN

Hindi rin maiwasan ni Ogie Alcasid na ibahagi ang kanyang saloobin sa umano’y katiwalian sa gobyerno.

Hinimok niya ang publiko na huwag magpalinlang sa mga tsismis at kilalanin ang katotohanan tungkol sa mga umano’y nakikinabang sa mga ninakaw na pondo ng publiko.

Pinuna ng singer ang ilan sa mga makapangyarihang nakaupo dahil sa panlilinlang at paulit-ulit na pagsasamantala sa mga tao.

Nananawagan siya sa mga Pilipino na gumising at labanan na ang korapsyon.

Naging viral ang kanyang post at pinuri ang kanyang katapangan.

Dismayang-dismaya raw siya sa umano’y katiwalian sa gobyerno.

Ibinahagi niya ang kanyang personal na pagninilay habang nakasakay sa eroplano.

Aniya sa kanyang post, “Wag tayong makinig sa mga sabi-sabi lang. Di tayo bulag sa katotohanan. Sila-sila rin ang nakikinabang sa ninakaw nilang pera ng bahay. Wag tayong makinig sa kuwentong kutsero na pinapalabas ng mga usisero. Matagal na pala ang proseso. Mag-ingay tayo!”

Pinuna rin niya ang mga nasa kapangyarihan, ang ilan sa kanila ay abala sa panlilinlang at pagsasamantala sa mga tao.

“Yun pala, ang pinagkaka-abalahan ng mga makapangyarihan ay tayo ay lokohin, linlangin, abusuhin, at paulit-ulit na nakawan. Pilipinas, gising na, laban na!” deklara ng singer.

***

KAYE VERY PROUD MOM KAY JOAQUIN NANG MANALO SA BOKSING SA EDAD 8

Very proud mom ang aktres na si Kaye Abad nang manalo ang anak na si Joaquin sa kanyang unang laban sa boksing sa gulang na 8.

Aniya, “I’m so proud of you, my love.”

Last October 4, ibinahagi ng aktres ang pinakabagong tagumpay ng kanyang panganay na anak na si Pio Joaquin sa sports — ang pagkapanalo sa kanyang unang laban sa boxing sa edad na walong taong gulang pa lamang.

Ang kompetisyon ay inorganisa ng isang lokal na boxing gym sa Cebu City kung saan nagsasanay ang anak nila ni Paul Jake Castillo mula noong nakaraang taon.

“My lucid tiger, I’m so proud of you, my love. Iyong inuubo ilang oras lang bago ang laban kaya naisipan pa nating kanselahin pero pinili mo pa ring humakbang sa ring. Ang lalo kong ipinagmalaki ay makita kang naghahanap ng BJ pagkatapos ng laban, para lang maibahagi mo sa kanya ang mga panalo mo. Congratulations, Joaquin!”

Binigyan din ni Kaye ng credit ang coach ng anak, training team, at maging ang kalaban, para sa hindi malilimutang panalo sa ring ng anak.

Kay Coach Jinggoy, na unang nakakita ng kanyang potensyal at matiyagang gumabay sa kanya sa bawat hakbang. salamat sa pagtutulak sa kanya na mas maging mas mahusay, sa pag-instill ng disiplina. Hindi magiging boksingero si Joaquin ngayon kung wala ang iyong dedikasyon at puso. Sa koponan ng Omega, sa paggawa ng pagsasanay sa loob ng hindi lang mabisang pamilya, Tocle ang nagbigay sa kanya ng masayang gym. Naniniwala sa kanya at laging nagpapasaya sa kanya kay BJ, sa pagiging isang kaibigan ni joaquin. At higit sa lahat, sa kanyang tatay, na sumabay sa kanya sa buong buwan ng pagsasanay, salamat sa pagiging streghth niya sa bawat isa sa inyo.”

Unang ibinahagi ni Kaye ang mga post ni Joaquin na nagsasanay sa boksing noong kalagitnaan ng 2024. Kilala rin ang kanyang asawa, ang dating Pinoy Big Brother housemate na si Paul Jake na aktibo sa palakasan, na kakasabak pa lang sa IronMan70.3 competition na ginanap sa Cebu noong Agosto.