KAWATAN NG MGA ELECTRIC CABLE, NASAKOTE NG BANTAY BAYAN SA MAKATI

NASAKOTE ng mga tauhan ng Bantay Bayan ang isang 30-taong-gulang na lalaki matapos mahuli sa aktong nagpuputol ng mga kable sa Barangay San Antonio, Makati City, madaling araw ng Oktubre 1, 2026.

Sa ulat ng pulisya, ang naaresto ay si alyas “Darius,” ??30, jobless, at residente ng Barangay Sta. Cruz, Makati City. Siya ay nahaharap sa kasong Paglabag sa R.A. No. 7832, ang Anti-Electricity and Electric Transmission Lines/Materials Pilferage Act of 1994, at Paglabag sa Artikulo 308 ng Revised Penal Code (Theft).

Batay sa inisyal na imbestigasyon ng Makati City Police ,ang mga tauhan ng Bantay Bayan ng Makati City ay nagsasagawa ng pagpapatrolya sa Kamagong Street corner Zapote Street, Barangay San Antonio, bandang 2:30 AM nang personal nilang makita ang suspek na umano’y nagpuputol ng kable.

Agad na nilapitan at pinahinto ng mga tauhan ng Bantay Bayan ang suspek. Nang beripikahin, nabigo siyang magpakita ng anumang dokumento na nagpapatunay ng pagmamay-ari o awtoridad na magmay-ari ng mga kable at mga kagamitan sa paggupit na nasa kanyang pag-aari.

Nakuha mula sa suspek ang 4 na hibla ng pinutol na kable na tanso, humigit-kumulang 10 metro ang haba, na may tinatayang halaga na ?2,245.00, at isang (1) pares ng pliers.

Ang mga tauhan ng Police Sub-Station 2, Makati City Police Station, ay tumulong sa pag-aresto at pagdodokumento ng insidente.

Ang suspek ay dinala sa istasyon ng pulisya at kalaunan ay sumailalim sa mandatory medical at physical examination sa isang ospital ng gobyerno.

Kinilala ni PBGEN Rodel A Pastor, District Director ng Southern Police District, ang kahalagahan ng police visibility at community partnership na makatutulong sa agarang pagtugon na protektahan ang ating mga komunidad. (JOJO SADIWA)