BI TECH, NA-DETECT ANG INTERPOL-FLAGGED SOUTH KOREAN SA NAIA

Hindi pinayagan ng Bureau of Immigration (BI) ang pagpasok sa bansa ng isang South Korean national matapos itong i-flag ng INTERPOL nang ma-detecte ng BI Advance Passenger Information System (APIS) pagdating sa Ninoy Aquino International Airport (NAIA) Terminal 3 nitong September 29, 2026.

Napag-alaman kay BI Spokesperson Atty. Anisha Hadji Hassan na ang banyaga ay kinilalang si Lee Yongsoo, 31, na nasa INTERPOL alert umano dahil sa money laundering at distribution umano ng illicitly-obtained bank accounts para gamitin sa money laundering.

Ani Hassan, si Lee ay dumating lulan ng Cebu Pacific flight mula Japan. Ang kanyang passenger information ay na-detect ng BI-APIS Operations Center (APOC) na pinamumunuan ni deputy spokesman Melvin Mabulac, na siyang nakipag-ugnayan sa BI INTERPOL Unit para sa verification.

Matapos makumpirma ang alert, sinabihan ni APOC head Mabulac ang concerned BI personnel sa NAIA Terminal 3, kaya si Lee ay di pinayagang pumasok ng bansa at ibinigay sa airline para sa agarang pagbabalik sa bansang pinagmulan nito.

Ayon kay APOC Chief Melvin Mabulac, “the BI action is consistent with President Ferdinand Marcos, Jr.’s directive to strengthen the country’s borders against threats of terrorism and transnational crime through technology and enhanced security measures.” (JERRY S. TAN)