Catapang itinalagang BuCor chief kapalit ni Bantag

ITINALAGA ni Pangulong Ferdinand “Bongbong” Marcos Jr. si Bureau of Corrections officer-in-charge Gregorio Catapang bilang Director General.

Pinalitan sa puwesto ni Catapang si suspended Bureau of Corrections chief Gerald Bantag.

Nilagdaan ni Pangulong Marcos ang appointment paper ni Catapang nitong Biyernes, Marso 24.

Nag-aral si Catapang sa Claret School of Quezon City High School kung saan siya ay binoto bilang high school class president. Pumasok siya sa Philippine Military Academy noong 1977 at nagtapos noong 1981.

Siya rin ay nagtapos ng mga kurso sa Unibersidad ng Pilipinas at naging miyembro ng Upsilon Sigma Phi. (Vanz Fernandez)