20 BUCOR PERSONNEL, NAGSANAY SA PAGGAMIT NG ‘HIGH TECH BODY CAMERAS’

UPANG lalong mapaunlad ang kaganapan sa loob ng Bureau of Corrections (BuCor) ay sinimulan ang pagsasanay sa mga tauhan nito sa paggamit ng body cameras bilang bahagi ng reform program ng ahensya.

Ayon kay J/SInsp Angelina Bautista (Ret.), OIC-Deputy Director General for Operations ng BuCor na siya ring namamahala sa programa, ang unang batch na binubuo ng 20 tauhan ay kasalukuyang sumasailalim sa pagsasanay sa loob ng dalawang araw upang maging pamilyar sila sa paggamit ng bagong gadget.

“Ang program na ito ay talagang makakatulong sa amin na masubaybayan ang aming mga stakeholder dahil ang mga kakayahan ng software na aming ginagamit ay ginawa sa USA at ito ay may kakayahang kumuha ng mga aktibidad na may auto recording at live streaming at direktang mag-feed sa aming Command Center.” paliwanag ni Bautista.

“Lahat ng personnel na gagamit nito makikita natin ang location nila in real time at lahat ng nakikita nila during live streaming and video recording makikita din natin sa ating Command Center, talagang monitored natin ang nangyayari both the PDLs and our own personnel,” ani Bautista

Nais din naming isama ang facial recognition feature sa programa para sa madaling pagkilala sa mga tao sa loob ng National Bilibid Prison (NBP).

Noong unang bahagi ng administrasyon ni BuCor Dir. Gen. Gregorio Pio P. Catapang, naglagay na ng mga karagdagang CCTV camera sa mga strategic na lokasyon sa loob ng (NBP) para sa mas mahusay na pagsubaybay ngunit sa kasamaang palad ay hindi natupad ang layunin nito dahil karamihan sa mga camera ay na-redirect sa iba’t ibang direksyon.

Sa bagong teknolohiyang ito, malulutas ang problemang iyon at kasabay nito ay makatipid ng pera para sa ahensya dahil gagamitin natin para sa programa ang mga mobile phone na nakumpiska sa mga persons deprived of liberty (PDLs) na may minor configuration. (JOJO SADIWA)