NBA draft magiging virtual na

Magiging virtual fashion na ang gagawing NBA draft para sa 2020-2021 season.

Ayon kay NBA commissioner Adam Silver, gagawin ito sa ESPN studio sa Bristol, Connecticut sa darating na Nobyembre 18.

Makakasama ni Silver si NBA deputy commissioner Mark Tatum para ianunsiyo ang mga selections sa una at pangalawang rounds.

Ang mga napiling mga draft ay lalabas lamang sa pamamagitan ng digital technology.

Magugunitang nakuha ng Minnesota Timberwolves ang top pick sa NBA Draft na sinundan ng Golden State Warriors, Charlotte Hornets, Chicago Bulls, Cleveland Cavaliers, Atlanta Hawks at Detroit Pistons.

Ilan sa mga top picks ay si LaMelo Ball, 18-anyos na guard mula sa Southern California at kapatid ni New Orleans Pelicans guard Lonzo Ball.

Makakasama rin nito sina Anthony Edwards mula sa University of Georgia at University of Memphis center James Wiseman.