Sinas nagpatupad ng balasahan

Ipinag-utos kaagad ni Philippine National Police (PNP) Chief Gen. Deblold Sinas ang balasahan sa kanilang hanay ilang araw pa lamang makaraan ang kanyang pag-upo.
Si Brig. Gen. Ildebrandi Usana ang itinalaga na bilang Directorate for Police Community Relations at magsisilbing bagong PNP spokesperson na pumalit kay Col. Ysmael Yu.
Inilipat naman si Yu sa Personnel Holding and Accounting Unit (PHAU), Directorate for Personnel and Records Management (DPRM).
Nalipat naman si Brig. Gen. Benjamin Casuga Acorda Jr., sa PHAU, DPRM sa Integrity Monitoring and Enforcement Group (IMEG) kapalit ni Col. Thomas Rojo Frias Jr. mula sa National Capital Region Police Office (NCRPO).
Nagpalit naman ng posisyon sina Brig. Gen. Armando de Leon at Brig. Gen. Ronald Oliver Lee kung saan si De Leon inilagay sa Directorate for Human Resource Doctrine and Development habang si Lee ay sa PNP Drug Enforcement Group.(Gaynor Bonilla)