Lotto operator ninakawan na, binaril pa

BINARIL at pinagnakawan ang isang lotto operator nitong Martes sa Imus City, Cavite.

Iniulat ng pulisya ng Rehiyon 4A na si Anthony Carrasco at ang kaniyang live-in partner na si ‘Margarita Joy’ ay naglalakad patungo sa kanilang sasakyan nang bumisita sa kanilang lotto outlet sa Brgy. Malagasang 2-F.

Pagkasakay palang sa kanilang sasakyan, isang lalaki na armado ng baril ang biglang sumakay sa kanilang sasakyan at nagdeklara ng hold-up.

Tinangay ng suspek ang P12,000 at pinagbabaril si Carrasco.

Nagsasagawa pa ng karagdagang imbestigasyon ang pulisya sa krimen.