Mobile laboratory bus, ipinagkaloob ni FL Liza sa Caloocan

Ipinahayag ni Caloocan City Mayor Dale Gonzalo “Along” Malapitan ang kanyang pasasalamat kay First Lady Liza Araneta-Marcos sa pagbibigay sa pamahalaang lungsod ng bagong mobile laboratory bus noong Lunes, Hulyo 8, bilang bahagi ng kanyang pangako na lubos na palakasin ang libre, komprehensibo, at na-a-access na mga hakbangin sa pangangalagang pangkalusugan na ipinatupad ng lokal na punong ehekutibo.

“Isang taos-pusong pasasalamat sa pagmamahal ni First Lady Liza Araneta-Marcos sa mga Batang Kankaloo! Isa po sa mga ipinangako ng Unang Ginang ay ang kanyang pagsuporta sa aking mga plano na ayusin ang ating healthcare system, at ito na nga po ang kanyang handog na mobile laboratory bus.”

Nilagyan ang nasabing mobile laboratory ng examination room at laboratory area para sa pagsasagawa ng iba’t ibang pagsusuri tulad ng electrocardiogram, x-ray, blood chemistry, at urinalysis.

Pinasalamatan din ni Mayor Along ang Unang Ginang sa nasabing donasyon at ipinahayag ang mga plano upang lubos na mapakinabangan ang paggamit ng bagong mobile laboratory, kasama ang mga kasalukuyang pasilidad at serbisyong pangkalusugan para sa mas mahusay na accessibility.

“Nagpapasalamat din po tayo sa PAGCOR, at sa Newport World Resorts sa pakikipagtulungan sa ating First Lady na maipagkaloob sa Lungsod ng Caloocan ang bagong mobile laboratory bus na siguradong mapapakinabangan ng ating mga kababayan,” wika ni Mayor Along.

“Tuloy-tuloy din po ang mga programa natin para sa kalusugan ng ating mga nasasakupa , at tinitiyak ko po sa inyo na mas palalawakin pa natin ang mga sakop ng mga libreng serbisyo-medikal upang mas maging panatag ang pamumuhay ng lahat ng mga Batang Kankaloo, ” dagdag ni Malapitan.(BR)