Mag-ama nalibing ng buhay sa Zambo

Nasawi ang mag-ama nang madaganan ang kanilang kubo ng putik at mga bato na dumausdos mula sa gilid ng bundok matapos umulan ng malakas sa kapaligiran sa Barangay Pamucutan sa Zamboanga City noong Sabado.

Kinilala ang mga biktima na sina Leonilo Moret, 46-anyos, magsasaka; at Justin, 10-anyos.

Inaantabayanan pa ang mas komprehensibong ulat ng Zamboanga City Disaster Risk Reduction and Management Office hinggil sa insidente.