5 opisyal ng PNP binalasa

BINALASA ang limang matataas na opisyal ng Philippine National Police (PNP) noong Sabado ni PNP Chief, General Rommel Francisco Marbil.

Itinalaga ni Marbil si Major General Sidney Hernia bilang direktor ng National Capital Region Police Office (NCRPO) kapalit ni Maj. Gen. Jose Melencio Nartatez, Jr.

Habang itinalaga si Nartatez bilang Officer-inCcharge ng Office of the Deputy Chief for Administration.
Si Hernia naman ay kasalukuyang direktor ng personnel at records management. Papalitan siya ni Brig. Gen. Constancio Torayan Chinayog, Jr. ng PNP Forensics Group.

Habang si Brig. Gen. Benjamin de Leon Sembrano ng Police Regional Office 3 (PRO) ang papalit kay Chinayog.

Ang hepe ng Intelligence Group na si Col. Jeffrey Zafe Decena ay itinalaga sa PRO3.