Pulis na ‘wanted’ huli sa Agusan del Norte

Nahuli ng mga tauhan ng Buenavista Municipal Police Station kasama ang Provincial Intelligence Team Agusan del Norte; Regional Intelligence Unit (RIU) 13; at ng Intelligence Group, Counter

Intelligence Division (IG-CID) ang isang wanted na pulis sa Purok 8, Sitio Tinago, Barangay Matabao, Buenavista, Agusan del Norte.

Nakilala ang nahuli na si alias “Demrick”, 29-anyos, binata at miyembro ng Philippine National Police (PNP), na kasalukuyang na-assign sa Butuan City Police Station 5, at residente sa lugar kungsaan siya nahuli.

Base ito sa warrant of arrest sa kasong frustrated homicide na may inirekomendang piyansa na aabot sa P72,000.

Ayon sa Agusan Del Norte Police Provincial Office, hindi nila ito-tolerate ang kahit na anumang mga criminal activities, kahit ano pa man ang affiliation nila sa PNP.