2 city hall employees patay, 5 sugatan sa pamamaril sa Negros

Patay ang dalawang city hall personnel habang lima ang sugatan sa pamamaril sa Silay City, Negros Occidental nitong Lunes, araw ng eleksyon.

Ayon sa ulat, nagkakape ang mga biktima nang pagbabarilin sila ng mga salarin sakay ng isang van dakong alas-6 ng umaga.

Naka-duty umano ang mga biktima para i-monitor ang vote buying incidents sa lugar para sa eleksyon.

Bagama’t wala pang malinaw na motibo, sinisilip ang isang barangay captain sa lugar bilang suspek sa shooting incident, batay sa ulat.

Naglunsad na ng hot pursuit operation ang mga pulis laban sa suspek.

Samantala, nasa ospital pa ang limang sugatang indibidwal.