P10b shabu nalambat sa Zambales mula sa CCP

INIUUGNAY ng Philippine Navy ang P10 bilyong halaga ng shabu na lumutang at nakuha sa dagat ng Zambales, sa Chinese Communist Party.

Ayon kay Navy spokesman for the West Philippine Sea, Rear Admiral Roy Vincent Trinidad, ang packaging ng mga illegal na droga ay mayroong Chinese markings.

Naaresto rin ang isang Chinese-Malaysian sa naturang operasyon.

“The shipment, amounting to 1.5 tons roughly with a market value of P10 billion, had markings that appeared to be Chinese in character,” ani Trinidad.

“In the military, we look for indicators. It appears that it is not far-fetched that this could be another effort of the Chinese Communist Party to destroy the future generation of Filipinos by flooding our country with illicit drugs,” dagdag pa niya.

Dahil dito, sinabi ni Trinidad na pinalawig pa ng Philippine Navy at Armed Forces of the Philippines ang kanilang comprehensive archipelagic defense operations.

“We now extend our coverage all the way up to our EEZ (exclusive economic zone),” anang opisyal.

Matatandaan na kamakailan ay mayroon din dalawang mangingisda ang nagsuko ng mahigit 50 plastic packs ng shabu na may markings ng Chinese characters sa Philippine Drug Enforcement Agency noong nakaraang linggo.