PH nakamit ang 1st gold sa Asian Youth Games

NAKAMIT ng Pilipinas ang kanilang unang gintong medalya sa Asian Youth Games gold medal sa Manama, Bahrain Lunes.

Dinomina ni Kram Carpio ang women’s pencak silat events,sa girls’ 51-55 kilogram division, matapos talunin ang Indonesia’s Qiken Dwi Tata Olifia, sa iskor na 33-19 sa finals Lunes ng gabi.

Unang niyang tinalo si Nazaninfatemeh Kolasangiani ng Iran, 36-22 sa round of 16, sinundan ng malaking panalo kay Sakshi Thakur ng India, 83-17 sa quarterfinals.

Tiniyak ni Carpio ang isang medalya para sa bansa sa semifinals, matapos niyang talunin si Aliyam Azizova ng Kazakhstan, 46-27 bago harapin ang Indonesian sa finals.

Sa gintong medalya ni Carpio, ito ang kauna-unahang medalya ng bansa sa Asian Youth Games mula noong huling ginanap ito 2013.