Alpha Insurance tinalo ang Savouge sa Spikers Turf Invitationals opener

SUMANDAL ang Alpha Insurance sa outside spiker Barbie San Andres at middle blocker Billie Jean-Henri Anima para magwagi laban sa Savouge, 19-25, 25-23, 26-24, 25-22, Lunes sa pagsimula ng 2025 Spikers’ Turf Invitational Conference sa Filoil EcoOil Centre sa San Juan City.

San Andres umiskor ng 19 points, nine digs at 11 receptions para sa Protectors, Naglalaro sa kanilang pangalawang kumpetisyon pa lamang sa men’s premier league.

“Trust the process. We started last conference, we were very lacking in preparation. Coming into this conference, the preparation was good, and at the same time we had recruits who were really ace players, so we really focused on preparation,” Wika ni Alpha Insurance head coach Mike Santos.

Matapos ipantay ni Charlee Magpayo ang iskor sa 24 all sa third set,umiskor si San Andres sa attack at binutata ni Anima si Shawie Caritativo para ibigay sa Alpha Insurance ang 2-1 set lead.

JJ Javelona nagdagdag ng 12 points habang si Vince Himzon bumakas ng 11 points. NCAA Season 100 rookie MVP Rocky Motol may 10 points at 11 digs, habang si Anima nag-ambag ng eight points.

Makakatagpo ng Alpha Insurance ang defending champion Cignal sa Miyerkules sa Paco Arena.

Calado pinamunuan ang Spin Doctors sa iniskor na 20 points at six digs,habang si Caritativo nagdagdag ng 19 points at 22 excellent receptions.

Haharapin ng Savouge ang bronze medalist sa dalawang magkasunod na tournaments,ang 2025 V-League Collegiate Challenge champion FEU-DN Steel.