Tagaytay host ng Senior Aerobic Gymnastics Asian Championships

ILALATAG ng Tagaytay ang pulang karpet para sa mga kalahok ng ika-10 Senior Aerobic Gymnastics Asian Championships, na gaganapin ng lungsod mula Agosto 4 hanggang 7 sa pinaganda na Tagaytay City Velodrome.

Higit sa 400 atleta at opisyal mula sa 11 bansa ang sasali sa paligsahan na inorganisa ng Gymnastics Association Philippines at pinahintulutan ng Asian Gymnastics Union.

Sasali sa mga paligsahan ang mga nangungunang aerobic gymnasts mula sa Cambodia, Chinese-Taipei, Hong Kong, Indonesia, India, Japan, South Korea, Mongolia, Thailand, Vietnam, at ang host na Pilipinas.

Ayon kay GAP president Cynthia Carrion, inorganisa ng lungsod ang mga hospitality package at iba pang mga kaganapan na nagpapakita ng maraming atraksyon ng Tagaytay.

“There is a variety of opportunities that our athletes and delegates for the 10th Senior Aerobic Championships can choose from when they visit Tagaytay, a beautiful and inspiring environment where they will return home with wonderful memories of their visit,”anya.

Sinabi ng pinuno ng gymnastics na karapat-dapat ang UCI-certified Tagaytay City Velodrome bilang arena para sa kompetisyon.

Samantala, pinuri ni Philippine Sports Commission Chairman Patrick Gregorio ang GAP sa kanilang pinakabagong pagho-host, na aligned sa kanyang layunin na pasiglahin ang lokal na turismo sa pamamagitan ng mga sports events.

“This is another noteworthy project hosted by GAP under the leadership of Tita Cynthia. The association has already shown its superb ability in hosting and organizing international events,” wika ni Gregorio.

“We can expect GAP to raise the bar higher with its hosting of the 10th Senior Aerobic Gymnastics Asian Championships.”