NBI NI-RAID BAHAY NI EX-SPKR. VELASCO

KINUMPIRMA ng National Bureau of Investigation (NBI) na sinalakay nito ang ilang bahay sa subdibisyon ng Valle Verde sa Pasig noong nakaraang buwan kasunod ng intelligence report na may mga nakatagong iligal na high-powered firearms dito.
Sinabi ni NBI Director Melvin Matibag na isinagawa ang pagsalakay Agosto 24, at kalaunan ay napatuna-yan na ang mga sinalakay na ari-arian ay pagmamay-ari ni dating House Speaker Lord Allan Velasco.
Sinabi rin ni Matibag na ipinapakita ng mga rekord ng NBI na umalis si Velasco ng Pilipinas patungong Nagoya, Japan Agosto 30—anim na araw pagkatapos ng mga pagsalakay.
Nilinaw ng hepe ng NBI na nagpapatuloy parin ang im-bestigasyon sa mga ari-arian at mga naiulat na baril.
Natuklasan sa imbestiga-syon na ang mga sinalakay na bahay ay ang mga address na binanggit ng dating pulis na si Rodulfo Gracioso sa kanyang affidavit.
Si Gracioso, na nagpakilalang dating head security ni Velasco, ay nagsumite ng mga pahayag na nagsasabing naghatid siya ng malaking ha-laga ng pera sa mga miyembro ng pamilya ni Vice President Sara Duterte mula 2018 hanggang 2022.
Sinabi ng kawanihan na ang anumang natuklasan mula sa imbestigasyon nito ay kaila-ngan paring sumailalim sa pagpapatunay at pagsusuri bago makagawa ng mga kon-klusyon.
Sinabi ni Duterte noong Sabado na hindi niya kilala si Gracioso at wala siyang natanggap na pera mula rito.
Itinanggi rin ng kampo ni Velasco ang mga paratang ni Gracioso.