Ex-DSWD official mabubulok sa kulungan sa PDAF scam

HINATULANG guilty beyond reasonable doubt ng Sandiganbayan Fifth Division si dating DSWD official Honorita Bayudan sa graft at malversation kaugnay ng maling paggamit sa P8 mil-yong PDAF allocation ni da-ting Pasay Representative Consuelo Dy noong 2007.
Sa desisyong inilabas nitong Huwebes, October 1, sinentensiyahan si Bayudan ng 6 taon at isang buwan hanggang 10 taon na pagkakakulong sa paglabag sa Anti-Graft and Corrupt Practices Act.
Para naman sa malversation ng public funds, pinatawan siya ng 14 taon, 8 buwan at isang araw hanggang 18 taon, 3 buwan at isang araw na pagkakakulong. Pinagmulta rin siya ng P5 milyon, katumbas ng halagang na-malverse, at pinagbawalang humawak ng pampublikong posisyon.
Inatasan din siyang ibalik ang retirement benefits na natanggap na niya.
Ayon sa prosekusyon, ang kaso ay nag-ugat sa P8 mil-yong PDAF ni Dy para sa DSWD’s Comprehensive Integrated Delivery of Social Services program. Inilaan ang pondo sa Unlad Pinoy Organization Inc. (UPOI) para sa skills training at livelihood assistance ng nasa 1,200 mahihirap na residente ng Pasay.
Napag-alaman ng korte na nilagdaan ni Bayudan ang dalawang disbursement voucher na nagresulta sa pagpapalabas ng P1.5 milyon at P3.5 milyon sa parehong araw, Marso 29, 2007, kahit kinakailangan ng staggered release sa ilalim ng memorandum of agreement at Commission on Audit circular.
Ayon din sa korte, bagong rehistro lamang sa Securities and Exchange Commission ang UPOI noong Pebrero 2, 2007, hindi lisensyado o accredited ng DSWD, at walang endorsement na kwalipikado ito para sa proyekto.
Natuklasan ding natapos na ang training bago pa nai-labas ang pondo. Sa testimonya ng barangay officials, hindi residente ng kanilang mga barangay ang karamihan sa mga nakalis-tang benepisyaryo. Sa 1,142 beneficiaries, 33 lamang ang nakumpirmang registered voters.
“Of the 20 barangay officials from the concerned barangays, 18 certified that the beneficiaries were not their residents/voters, while two did not respond to the verification request… and that no seminar was conducted and/or no financial assistance was distributed that year,” ayon sa desisyon.
Ayon sa Sandiganbayan, kumilos si Bayudan nang may evident bad faith at manifest partiality nang labagin ang mga patakaran upang paboran ang UPOI. Hindi rin tinanggap ng korte ang kanyang pag-invoke sa Arias doctrine, dahil may mga red flag na dapat sana niyang naging dahilan upang masusing suriin ang mga dokumento.