4 lalawigan sa Bicol matutuyot sa Super El Niño

IGINIIT ng state weather bureau na ang kahalagahan ng maagang paghahanda upang maibsan ang matinding epekto ng pinangangambahang Super El Niño sa buong bansa.
Ayon kay Masbate Chief Meteorological Officer Rizza Bartolata, posibleng tumagal hanggang sa ikalawang kalahati ng taon 2027 ang epekto ng naturang penomena.
Inihayag ng opisyal na si-mula ngayong buwan ng Oktubre ay mararanasan na ng apat na lalawigan sa Bicol Region, kabilang ang Camarines Sur, Camarines Norte, Sorsogon, at Catanduanes—ang drought condition.
Pagpasok ng buwan ng Nobyembre, ang mga lalawigan ng Sorsogon at Masbate ay makararanas na ng dry spell.
Inaasahan lalala pa ang sitwasyon mula Disyembre hanggang Marso dahil ang buong Bicol Region na ang posibleng ilagay sa ilalim ng buong drought condition.
Dahil dito, nagbabala si Bartolata sa malaking pinsalang idudulot ng apat na buwang tagtuyot lalo na sa sektor ng agrikultura at sa kabuhayan ng mga magsasaka.
Hinimok ng opisyal ang pamahalaan, mga lokal na komunidad, at bawat sambahayan na magtulong-tulong sa paghahanda upang mabawasan ang matinding epekto ng krisis sa supply ng tubig at pagkain.