Kahera natangayan ng P10k sa palit-pera modus

NABIKTIMA ng palit-pera modus ang isang kahera ng department store sa Pagadian City. Ang salarin, nakatangay ng P10,000.
Sa ulat, makikita sa kuha ng CCTV ang isang lalaki na may hawak na pera.
Base sa salaysay ng kahera, may hawak ang lalaki na tig-P100 na nagkakahalaga ng P23,000, at gusto nito ipapalit ng buong tig-P1,000.
Binilang ng kahera ang pera sa harap ng salarin, at tumulong pa kunwari ito sa pagbibilang.
Ilang saglit ang lumipas, ibinalik ng lalaki ang pera dahil gusto na raw niyang ipapalit nalang ng tig-P20 ang kaniyang pera.
Ngunit ang hindi alam ng kahera, pasimple nang binawasan ng salarin ng P10,000 ang ipinapaplit ng tig-P1,000 na kaniyang ibinalik.
Dahil walang pamalit na tig-P20 ang kahera, muling kinuha ng salarin ang kaniyang pera at agad umalis.
Naniniwala ang pulisya na may mga kasabwat ang lalaki. Inaalam na ang kaniyang pagkakakilanlan.