5 NPA PATAY SA BAKBAKAN SA MASBATE

PATAY ang limang miyembro ng New People’s Army (NPA) sa sagupaan sa bayan ng Mandaon, Masbate.

Sa ulat, isisilbi sana ang warrant of arrest ng 5 counts ng murder at kasong attempted murder laban sa isang Eddie/Arnold Rosero alias “Ka Star”, lider ng mga rebelde, 5:30 ng madaling araw nang sumiklab ang bakbakan.

Sinabi sa intelligence report na si Rosero ang lider ng Larangan 1 Guerilla Front ng NPA na nag-o-operate sa probinsya.

Samantala, hindi pa natutukoy ang pagkakakilanlan ng mga nasawi.

Nakita sa crime scene ang tatlong M16 rifles; M14 rifle; dalawang .45 caliber handguns; at improvised explosive devices.(Mark Obleada)