Advertisers
SWAK sa kulungan ang isang babaeng tulak na tinaguriang “Dragon Lady” at konektado sa Chinese Triad na gumagamit pa ng helicopter para maghatid ng droga.
Nakunan ng video ng National Bureau of Investigation – Task Force Against Illegal Drugs (NBI-TFAID) ang pag-aresto sa high-priority drug personality na si Florentina Natindim Tee sa kaniyang garment store sa Batangas.
Sinabi ng NBI na hindi ordinaryong drug personality si Tee dahil mahigit isang dekada na siyang may warrant of arrest dahil sa pagbebenta ng iligal na droga.
Sa tulong ng isang impormante, natunton si Tee sa Batangas.
“She earned the monicker of a ‘Dragon Lady’ because she is married to a Chinese national, and then may connection siya with a Chinese Triad. Warrant of arrest niya was for a kilo of cocaine. She is selling in bulk. She is using helicopters in transporting illegal drugs,” sabi ni NBI-TFAID chief Rosa Jonathan Galicia.
Nagagawa paring makalabas ng bansa ni Tee kahit na meron siyang warrant.
“She was able to change her identity. She used her maiden name to ellude arrest,” ayon kay Galicia.
Ayon kay NBI Director Eric Distor, magsasagawa sila ng backtrack sa lahat ng aktibidad at katransaksiyon ni Tee para matukoy ang mga personalidad na nakikinabang sa kaniyang operasyon ng droga.