2 katao inararo ng bus, lasog

DALAWA katao ang nasawi nang masagasaan ng pampasaherong bus sa kahabaan ng Quirino highway sa Tagkawayan, Quezon nitong Martes.

Kinilala ang dalawang biktima na sina Jacobo Magdamit, 65 anyos; at isang babae na kinilala sa alyas ‘Tess Perida’ na nasa 40-anyos.

Ayon sa ulat, tatawid sa kalsada ang dalawa nang masagasaan ng Dongfeng Bragais bus na biyaheng pa-Maynila 11:30 ng gabi.

Dead on the spot ang dalawang biktima.

Sumuko naman sa mga pulis ang tsuper ng bus na si Michael Baraero, at nahaharap sa kasong reckless imprudence resulting in double homicide.