Pag-veto ni PDu30 sa Sim Card Registration Law ikinadismaya ng Senado
Advertisers
DISMAYADO ang liderato ng Senado sa pagkaka-veto ni Pangulong Rodrigo Duterte sa SIM Card Registration law na una nang naipasa sa dalawang kapulungan ng Kongreso.
Noong 2021 naaprubahan ang naturang batas sa Kamara at kalaunan sa Senado, habang naratipikahan naman noong Pebrero 2, 2022.
Sinabi ni Senate President Vicente Sotto na III, mistulang pabor pa sa panig ng masasamang loob ang pagkakabasura ng kanilang ipinasang panukala.
“Ayos! Tuloy ang mga bombings and blackmail and scams using prepaid sims,” ani Sotto.
Maging ang ibang mambabatas ay nanghihinayang din sa nasabing bill.
Pero una nang sinabi ng Malacañang na kaya na-veto ang panukala dahil naniniwala si Pangulong Duterte na kailangan pa ng mas malawak na pag-aaral hinggil dito.
Kasama ang social media sa paghihigpit na ito, bagay na nananatiling malabo, lalo’t walang angkop na guidelines at definitions ng mga nakapaloob sa proposed SIM Card Registration law. (Mylene Alfonso)