BUKING! P1.737-B FARM TRACTORS NG DA OVERPRICED

KINUMPIRMA ng bagong hepe ng Philippine Center for Postharvest Development and Mechanization (PhilMech), isang attached agency ng Department of Agriculture, nitong Lunes na may natuklasan siyang iregularidad sa pagbili ng 1,346 four-wheel tractors na nagkakahalaga ng P1.737 billion sa ilalim ng Rice Competitiveness Enhancement Fund (RCEF)-Mechanization Program funding para sa taon 2021.

Sinabi ni PHilMech Executive Director Dionisio Alvindia na ipinagbigay-alam na niya ito sa Department of Budget and Management (DBM).

Si Alvindia ay itinalaga ni Pangulong Ferdinand “Bongbong” Marcos Jr..

Ayon kay Alvindia, hiningi ng PhilMech ang legal opinions ng DA at ng Commission on Audit (COA) sa bagay na ito.

Sinabi ni Alvindia na ang 1,346 farm tractors ay binili ng P1.798 million bawat isa pero nadiskubre ng PhilMech na ang actual price ng bawat isang tractor ay P1.2 million, ibig sabihin bawat isang unit overpriced ng halos P537,000.

“Because of the agency’s findings, PHilMech will not pay the contractors,” sabi ni Alvindia.

Tiniyak naman ni Alvindia na ang pagkadikubre sa anomalya ay hindi makakaapekto sa pamamahagi ng farm machines sa ilalim ng RCEF-Mechanization program.

Sinabi rin niyang ang iba’t ibang programa ng ahensiya ay itutuloy, kabilang na ang Coconut Farmers and Industry Development Plan.

Ang PHilMech ay naglunsad din ng Agricultural Machinery Design and Prototyping Center sa kanilang headquarters sa Muñoz, Nueva Ecija sa pakikipagtulungan sa Korea International Cooperation Agency, Korea Institute for Development Strategy, at Korea Agricultural Machinery Cooperative.