Lasing nahiga sa kalsada, nasagasaan; nawala sa ospital nang gamutin

ISANG lasing na lalaki ang nasagasaan ng SUV sa Legazpi City, Albay nang humiga ito sa kalsada.

Makikita sa video na walang suot na pang-itaas ang lalaki nang biglang humiga sa kalsada.

Bagama’t naiwasan ng ilang sasakyan ang lalaki, isang SUV ang nakasagasa rito.

Agad naitakbo sa ospital ang lalaki pero nang gagamutin na ay bigla itong nawala.

Patuloy namang hinahanap ng mga otoridad ang driver ng nakasagasang SUV.