Misis nakipagtalik sa akalang mister sa dilim

HINDI matanggap ng isang 26-anyos na misis nang naalimpungatan matapos makipagtalik sa kanyang tiyuhin na inakalang mister niya dahil sa dilim ng kwarto nila sa San Jose Del Monte (SJDM), Bulacan.

Kinilala ang nagpasasang lalaki sa alyas “ Loy”, 52, habang ang biktima ay itinago sa pangalang “Jen”, kapwa residente ng Barangay San Martin IV, SJDM.

Sa report ng hepe ng SJDM Police, Lt. Col. Ronaldo Lumactod Jr, nangyari ang insidente 3 ng madaling araw nitong Nobyembre 4 sa bahay ng biktima.

Ayon sa inisyal na imbestigasyon, naalimpungatan ang biktima nang maramdamang may kumukubabaw sa kanyang nakatiyangyang na alindog.

Inakala niyang mister niya ang bumabayo sa kanyang ibabaw kaya pinagkibit-balikat niya na lamang, subalit naalala niyang umalis at pumasok sa trabaho ang kanyang mister.

Agad siyang napatayo at binuksan ang ilaw at nakita ang lalaki na kanyang tiyuhin na kumaripas ng takbo palayo.

Humingi ng saklolo ang biktima sa kanilang barangay at nahuli ng mga rumespondeng tanod si Loy at isinuko sa pulisya.

Nahaharap sa kasong ‘rape’ si Loy.