Fireworks related injury sa bansa umakyat na sa 20 – DOH

PUMALO na sa 20 ang naitalang kaso ng mga napuputukan sa bansa ilang araw bago ang pagsalubong ng Bagong Taon.

Sa datos ng Department of Health (DOH), mula noong Linggo, Dec. 25, ay umabot na sa labinlima (15) ang naitalang bagong kaso mula sa 61 na DOH sentinel hospitals.

Sa kaparehong panahon, sinabi ng DOH na kasingdami na ito ng naitalang kaso ng firecrackers related injuries.

Paalala naman ng DOH na umiwas sa paputok upang maging kumpleto at ligtas ang buong pamilya ngayong Bagong Taon.

Pinayuhan din ng DOH ang publiko na sa halip na magpaputok ay gumamit ng alternatibong pampaingay sa pagsalubong ng Bagong Taon. (Jocelyn Domenden)