3 House Leaders tinanggalan ng posisyon

INALIS sa puwesto ang tatlong kongresistang lider ng Kamara nang muling nagsagawa ng rigodon sa gitna ng girian sa term-sharing agreement sa pagitan nina Speaker Alan Cayetano at Lord Allan Velasco.
Sa naganap na sesyon nitong Martes, Oktubre 6, ay pinalitan ni Guimaras Rep. Ma. Lucille Nava si House Committee on Health chairman Quezon Rep. Angelina Tan.
Maging si AAMBIS-OWA Partylist Rep. Sharon Garin na chairman ng Committee on Economic Affairs ay napalitan naman ni Aklan Rep. Teodorico Haresco.
Inalis na rin na Chairman ng Commitee on Youth and Sports si Valenzuela Rep. Eric Martinez na pinalitan naman ni Manila Rep. John Marvin “Yul Servo” Nieto. (Josephine Patricio)